ခါးသက်သက်မိုးစက်တွေ
ငါ့အပေါ်ကို ရွာချတယ်
တိမ်ညိုတောင်မစင်သေးဘူး
ငြိုးရိပ်တွေ ဟန်ရေးပြလို့
လွတ်မြောက်မှုတံခါးဝမှာ
လှောင်ရီသံတွေ ပဲတင်ထပ်
အမှောင်ထုက ဆိပ်သုဉ်း
တိမ်တိုက်တွေက လှောင်ရီနေပြန်
သြော် . . . ငါဟာ
တစ်ယောက်ထဲပါလား
တကယ်တော့ ငါဟာ ငါပဲ
ငါ့ရဲ့ အတ္တစစ်ဖြစ်ခဲ့ရင်တောင်
ဆုံးရှုံးခြင်းတွေကိုလည်း
လက်ကမ်းပြီး ကြိုနေမှာ
အလွတ်ကျက်ထားတဲ့ ကဗျာတစ်ပုဒ်လို
အခါခါထပ်ပြီး
အပ်ကြောင်းထပ်နေတဲ့
ငါ့ရင်ခုန်သံတွေတောင်
တစ်ခါတစ်လေ ကမောက်ကမ ဖြစ်လို့
ထူးစမ်းပါပေ့ . . . . . . . . . . . . ရယ်
မင်းရဲ့ ကဝေဆန်ဆန်
လှည့်စားချက်တွေကို
မြှားနတ်မောင်သာ တကယ်ရှိခဲ့ရင်
ငါ့အတွက်မြှားတစ်စင်း
မင်းကိုထိအောင် ပစ်နိုင်မှာ မဟုတ်ဘူး
ဘာ့ကြောင့်လည်း . . .
ကိုယ်တောင်းဆိုပါရစေ . . . . . . . . . ရေ
မင်းရဲ့ မှော်ဆန်ဆန် ပြကွပ်တွေကို
နောက်ထပ် . . . . . . . . . .
ရုံတင်မပြသပါနဲ့လို့ . . . . . .။ ။
No comments:
Post a Comment